By టాలీవుడ్ స్టార్ హీరో నందమూరి బాలకృష్ణ సినిమా షూటింగ్ సందర్భంగా గాయపడ్డారు. ప్రస్తుతం దర్శకుడు గోపిచంద్ మలినేని దర్శకత్వంలో తెరకెక్కుతున్న తన కొత్త సినిమా షూటింగ్ కాకినాడ పోర్ట్లో జరుగుతోంది. ఈ నేపథ్యంలో బాలకృష్ణ, నటుడు మంచు మనోజ్ల మధ్య కీలక యాక్షన్ సన్నివేశాన్ని చిత్రీకరిస్తుండగా ప్రమాదం జరిగినట్లు సమాచారం.
యాక్షన్ సీక్వెన్స్ సమయంలో బాలకృష్ణ మోకాలికి గాయం కావడంతో చిత్రబృందం వెంటనే అప్రమత్తమై ఆయనను సమీప ఆస్పత్రికి తరలించింది. వైద్యులు ప్రాథమిక చికిత్స అందించిన అనంతరం ప్రస్తుతం ఆయన కాకినాడ పోర్ట్లోనే విశ్రాంతి తీసుకుంటున్నట్లు తెలుస్తోంది. గాయం స్వల్పంగానే ఉన్నట్లు సమాచారం రావడంతో అభిమానులు ఊపిరి పీల్చుకున్నారు. అయితే దీనిపై చిత్రబృందం నుంచి అధికారిక ప్రకటన రావాల్సి ఉంది.
‘వీర సింహారెడ్డి’ ఘన విజయం అనంతరం గోపిచంద్ మలినేని– బాలకృష్ణ కాంబినేషన్లో రూపొందుతున్న రెండో సినిమా కావడంతో ఈ ప్రాజెక్ట్పై భారీ అంచనాలు ఉన్నాయి. ఈ సినిమాలో బాలకృష్ణ పవర్ఫుల్ గ్యాంగ్స్టర్ పాత్రలో కనిపించనున్నట్లు సినీ వర్గాలు చెబుతున్నాయి. హీరోయిన్గా కాజల్ అగర్వాల్ నటిస్తుండగా, ప్రముఖ సంగీత దర్శకుడు ఎస్.ఎస్. థమన్ సంగీతం అందిస్తున్నారు. బాలకృష్ణ త్వరగా కోలుకుని తిరిగి షూటింగ్లో పాల్గొనాలని అభిమానులు ఆకాంక్షిస్తున్నారు.
