By భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్న భారీ చిత్రం Love & War విడుదలకు ముహూర్తం ఖరారైంది. ప్రముఖ దర్శకుడు Sanjay Leela Bhansali తెరకెక్కిస్తున్న ఈ ప్రతిష్టాత్మక ప్రేమకథా చిత్రం 2027 జనవరి 21న ప్రపంచవ్యాప్తంగా విడుదల కానుంది. రిపబ్లిక్ డే వారాంతాన్ని టార్గెట్ చేస్తూ విడుదల అవుతున్న ఈ సినిమాలో Ranbir Kapoor, Alia Bhatt, Vicky Kaushal ప్రధాన పాత్రల్లో నటిస్తున్నారు. భన్సాలీకి మాత్రమే సాధ్యమైన అద్భుతమైన విజువల్స్, భారీ సెట్స్, లోతైన భావోద్వేగాలతో ఈ సినిమా తెరకెక్కుతోంది. కేవలం హిందీలోనే కాకుండా తెలుగు, తమిళ భాషల్లో కూడా ఈ చిత్రం విడుదల కానుంది. భారతీయ సినీ చరిత్రలోనే అతిపెద్ద రొమాంటిక్ డ్రామాలలో ఒకటిగా నిలిచే ఈ సినిమా, భన్సాలీ కెరీర్లో అత్యంత ప్రతిష్టాత్మక ప్రాజెక్ట్గా భావిస్తున్నారు. ప్రేక్షకుల్లో భారీ అంచనాలు నెలకొన్న ఈ చిత్రం బాక్సాఫీస్ వద్ద రికార్డులు సృష్టించనుందని ట్రేడ్ వర్గాలు అంచనా వేస్తున్నాయి.
