By ఒక్కసారి సినిమాకు సైన్‌ చేశాక.. పారితోషికం అందుకున్నాక.. ఇక ఆ సినిమాకోసం ఎంతైనా కష్టపడాల్సిందే. పాత్రలో ప్రాణం పోసేందుకు ఎంతకైనా తెగించాల్సిందే. అందులో హీరోయిన్లేం మినహాయింపు కాదు. గర్భం దాల్చి కూడా యాక్షన్‌ సన్నివేశాల్లో నటించిన కథానాయికలు ఉన్నారు. అందుకు ఉదాహరణే దీపికా పదుకొణె, అలియాభట్‌. బాలీవుడ్‌ హీరోయిన్ కియారా అద్వానీ ప్రస్తుతం గర్భవతి. కానీ విశ్రాంతి తీసుకునే పరిస్థితి లేదు. ఆమె చేతిలో రెండు సినిమాలు ఉన్నాయి. అందులో ఒకటి ‘వార్‌ 2’ కాగా, రెండోది కన్నడ సినిమా ‘టాక్సిక్‌’. రెండూ భారీ మాస్‌ సినిమాలే. రెండింటిలో ఆమె యాక్షన్‌ సీన్స్‌లో నటించాల్సివుంది. ఈ రెండు సినిమాల్లోని తన పార్ట్‌ని పూర్తి చేయాల్సిన బాధ్యత కూడా ప్రస్తుతం ఆమెపై ఉంది. అందుకే.. గర్భం దాల్చి కూడా షూటింగుల్లో పాల్గొంటోంది కియారా. కానీ నా నిర్మాతలు నన్ను పసిపాపలా చూసుకుంటున్నారు. యాక్షన్‌ సీన్స్‌లో కూడా నాకు ఇబ్బంది లేకుండా ప్లాన్‌ చేస్తున్నారు. సెట్‌లో ఓ డాక్టర్‌.. ఓ అంబులెన్స్‌.. ఎమర్జెన్సీ చికిత్సకు అవసరమైన సరంజామా.. ఇవన్నీ నాకోసం ఏర్పాటు చేశారు. అందుకే భయం లేకుండా షూటింగ్‌లో పాల్గొంటున్నా. ఈ విషయంలో నా నిర్మాతలకు థ్యాంక్స్‌ చెప్పకుండా ఉండలేకపోతున్నా..’ అంటూ ఆనందం వెలిబుచ్చారు కియారా అద్వానీ.
