By ‘రొమాంటిక్‌’ ‘రంగ రంగ వైభవంగా’ వంటి సినిమాలతో తెలుగు ప్రేక్షకులకు చేరువైంది కేతికా శర్మ. తెలుగులో ఈ హీరోయిన్ మంచి బ్రేక్‌కోసం ఎదురుచూస్తోంది. తాజాగా ఈ హీరోయిన్ నితిన్‌ ‘రాబిన్‌హుడ్‌’ సినిమాలో ఓ ప్రత్యేక గీతంలో నర్తించనుంది. వెంకీ కుడుముల దర్శకత్వంలో రూపొందుతున్న ఈ సినిమాని మైత్రీ మూవీ మేకర్స్‌ సంస్థ నిర్మిస్తోంది. ఈ నెల 28న ప్రేక్షకుల ముందుకురానుంది. ఈ సినిమాలోని మూడో గీతాన్ని ఈ నెల 10న రిలీజ్‌ చేయబోతున్నారు. ఈ పాటలో కేతికా శర్మ అల్ట్రా గ్లామరస్‌ అవతార్‌లో కనిపిస్తుందని, జీవీ ప్రకాష్‌ కుమార్‌ బాణీ హైలైట్‌గా నిలుస్తుందని మేకర్స్‌ తెలిపారు. హీస్ట్‌ కామెడీ ఎంటర్‌టైనర్‌గా ‘రాబిన్‌హుడ్‌’ సినిమాని తెరకెక్కించారు. ఇప్పటికే విడుదలైన రెండు పాటలకు మంచి స్పందన లభిస్తోందని, మ్యూజికల్‌గా ఈ సినిమా అందరినీ అలరిస్తుందని చిత్రబృందం పేర్కొంది. శ్రీలీల, రాజేంద్రప్రసాద్‌, వెన్నెల కిషోర్‌ తదితరులు నటిస్తున్న ఈ సినిమాకి నిర్మాతలు: నవీన్‌ యెర్నేని, వై.రవిశంకర్‌.
