By హీరో కిరణ్‌ అబ్బవరం నటించిన ‘క’ సినిమా ప్రతిష్టాత్మకంగా నిర్వహించే 15వ ‘దాదా సాహెబ్‌ ఫాల్కే ఫిల్మ్‌ ఫెస్టివల్‌’లో ఉత్తమ సినిమాగా ఎంపికైంది. ఈ విషయాన్ని సోషల్‌ మీడియా ద్వారా తెలియజేస్తూ ఈ సినిమా టీమ్‌ ఆనందం వ్యక్తం చేసింది. నూతన దర్శకులు సుజిత్‌, సందీప్‌ దర్శకత్వంలో చింతా గోపాలకృష్ణరెడ్డి నిర్మించిన ఈ సినిమా గత ఏడాది విడుదలై అఖండ విజయాన్ని సాధించిన విషయం తెలిసిందే. నయన్‌ సారిక, తన్వీ రామ్‌ ఇందులో హీరోయిన్లు. కర్మసిద్ధాంతం నేపథ్యంలో సాగే ఫాంటసీ థ్రిల్లర్‌గా రూపొందిన ఈ సినిమా వాణిజ్యపరంగా విజయాన్ని సాధించడంతోపాటు విమర్శకుల ప్రశంసలందుకుంది. తెలంగాణలో ఉన్న ఒక గ్రామంలోనే వెలుగు లేక సూర్యరశ్మి లేక ఇబ్బందులు పడుతున్న చోటుని ప్రజలందరికీ కళ్లకట్టేటట్లు డైరెక్టర్ చూపించారు. ఇన్నాళ్ళకు గాని అలాంటి గ్రామం ఉందని కూడా చాలా మందికి తెలియదు.
