By ‘జన నాయగన్’ సినిమా లీక్ ఘటన టాలీవుడ్లో చర్చనీయాంశంగా మారింది. ఈ ఘటనపై హీరో విజయ్ దేవరకొండ తీవ్రంగా స్పందించారు. సోషల్ మీడియాలో ఆయన తన అసహనాన్ని వ్యక్తం చేస్తూ, సినిమా రిలీజ్కు ముందే లీక్ కావడం చాలా బాధాకరమని తెలిపారు. తన కెరీర్ ప్రారంభంలో కూడా ఇలాంటి ఘటన ఎదురైందని, ఆ సమయంలో ఎవరో కావాలనే టార్గెట్ చేస్తున్నట్లు అనిపించి, తీవ్ర నిరాశకు గురయ్యానని చెప్పారు. సినిమా అనేది ఒక్క హీరోది కాదు, దర్శకుడు, నిర్మాత, నటీనటులు మరియు టెక్నీషియన్స్ అందరి కలల సమాహారమని ఆయన పేర్కొన్నారు. ఈ లీక్ వెనుక ఉన్న వారిని త్వరగా గుర్తించాలని, ఇలాంటి చర్యలు సినిమాకే కాదు పరిశ్రమ మొత్తానికి నష్టం కలిగిస్తాయని అన్నారు. ‘జన నాయగన్’ టీమ్కు తన పూర్తి మద్దతు ప్రకటిస్తూ, ఇలాంటి ఘటనలు మళ్లీ జరగకూడదని ఆశాభావం వ్యక్తం చేశారు.
