By కృత్రిమ మేధస్సు రంగంలో వస్తున్న విప్లవాత్మక మార్పులపై నటుడు, లోక‌నాయ‌కుడు కమల్ హాసన్ ఆసక్తికర వ్యాఖ్యలు చేశారు. ఇటీవల USAలో ఆర్టిఫీషియల్ ఇంటెలిజెన్స్‌పై ఓ ప్రత్యేక కోర్సును అభ్యసించిన తర్వాత, ఆయన AI భవిష్యత్తు, మానవ సంబంధాలపై దాని ప్రభావం గురించి తన అభిప్రాయాలను షేర్ చేశారు. కమల్ హాసన్ మాట్లాడుతూ.. టెక్నాలజీలో మ‌నం ఎంత అడ్వాన్స్‌డ్‌గా ఉన్నా.. మానవ స్పర్శకు ప్రత్యామ్నాయం కాదని అభిప్రాయపడ్డారు. ఈ కోర్సు తర్వాత తన అవగాహన మరింత పెరిగిందని, అయితే మానవ భావోద్వేగాలు, అనుబంధాలు చాలా ముఖ్యమని ఆయన నొక్కి చెప్పారు. నాకు నిజమైన స్త్రీని ముద్దు పెట్టుకోవాలని ఉంది కానీ, AI సృష్టించిన అమ్మాయిని ముద్దుపెట్టుకోవాల‌ని లేదని కమల్ చ‌మ‌త్క‌రించారు.
