By హర్రర్ సినిమాలకు టాలీవుడ్ ప్రేక్షకులు ఎప్పుడూ మంచి ఆదరణ చూపిస్తున్నారు. ఇక డబ్బింగ్ సినిమాల్లో కూడా హర్రర్ సినిమాలకు మంచి రెస్పాన్స్ లభిస్తోంది. హీరోయిన్ హన్సిక ముఖ్య పాత్రలో నటించిన ‘గార్డియన్’ సినిమా తమిళనాట గత ఏడాది రిలీజ్ అయ్యింది. ఈ సినిమాను శబరి, గురు శరవణన్ సంయుక్తంగా డైరెక్ట్ చేశారు. హర్రర్ థ్రిల్లర్ సినిమాగా వచ్చిన ఈ సినిమా బాక్సాఫీస్ దగ్గర పెద్దగా ఆడలేదు. ఇక ఇప్పుడు ఈ సినిమా తెలుగులో అందుబాటులోకి వచ్చింది. ప్రముఖ ఓటీటీ ప్లాట్‌ఫామ్ ఆహాలో ‘గార్డియన్’ సినిమా తెలుగులో స్ట్రీమింగ్‌కు వచ్చింది. ఈ సినిమాకు తెలుగులో ఎలాంటి ఆదరణ లభిస్తుందో అనేది ఆసక్తిగా మారింది. ఇక ఈ సినిమాలో సురేశ్ చంద్ర మీనన్, శ్రీమన్, రాజేంద్రన్ తదితరులు ఇతర ముఖ్య పాత్రల్లో నటించారు. సామ్ సి.ఎస్ సంగీతం అందించిన ఈ సినిమాకి ఓటీటీలో ఎలాంటి రెస్పాన్స్ వస్తుందో వెయిట్ అండ్ సీ.
