By మ్యాన్ ఆఫ్ మాసెస్ జూనియర్ ఎన్టీఆర్ లేటెస్ట్ సినిమా ‘వార్ 2’ బాక్సాఫీస్ దగ్గర భారీ అంచనాలతో రిలీజ్ అయింది. బాలీవుడ్ హీరో హృతిక్ రోషన్ కూడా నటించిన ఈ సినిమాను దర్శకుడు అయాన్ ముఖర్జీ డైరెక్ట్ చేశాడు. ఇక యష్‌రాజ్ ఫిలింస్ బ్యానర్ నుండి వచ్చిన ఈ క్రేజీ సీక్వెల్ సినిమా భారీ అంచనాల మధ్య రిలీజ్ అయింది. అయితే, ఈ సినిమాపై ఎన్టీఆర్ అభిమానులు భారీ ఆశలు పెట్టుకున్నారు. కానీ, ఈ సినిమా ఫలితం చూస్తుంటే, ఇది ఫ్లాప్ దిశగా వెళ్తోందని సినీ సర్కిల్స్ భోగట్టా. దీంతో ఎన్టీఆర్ తన కెరీర్‌లో గత 11 ఏళ్లుగా కంటిన్యూ చేస్తున్న సక్సెస్ ట్రాక్ రికార్డ్ ఇప్పుడు బ్రేక్ అయిందని చెప్పాలి. మరి ఈ సక్సెస్ ట్రాక్‌ని ఎన్టీఆర్ తిరిగి తన తర్వాత సినిమాతో కంటిన్యూ చేయాలని ఫ్యాన్స్ కోరుతున్నారు. ప్రస్తుతం ఎన్టీఆర్ తన తర్వాత సినిమాని ప్రశాంత్ నీల్ డైరెక్షన్‌లో చేస్తుండటంతో ఫ్యాన్స్ ఆశలు ఈ సినిమాపైనే పెట్టుకున్నారు.
