By బాలీవుడ్ స్టార్ హీరోయిన్ దీపికా పదుకొణె ఇటీవల ముంబై ఎయిర్‌పోర్టులో తన కుమార్తె దువాతో కనిపించారు. అయితే ఈ సందర్బంగా ఒక అభిమాని ప్రైవసీని లెక్కచేయకుండా దువా ఫొటోలు తీశాడు. దీన్ని గమనించిన దీపిక, వెంటనే అతడిని మందలించి, ఫొటోలు – వీడియోలు డిలీట్ చేయాలని కోరారు. అయినప్పటికీ ఆ వ్యక్తి వినకుండా వాటిని నెట్టింట షేర్ చేయడంతో, దీపిక తీవ్ర ఆగ్రహానికి గురయ్యారు. దీపికా – రణవీర్ సింగ్ జంట 2018లో పెళ్లి చేసుకున్న విషయం తెలిసిందే. వీరికి 2024 సెప్టెంబర్ 8న కుమార్తె జన్మించింది. ఆమెకు “దువా” అని పేరు పెట్టారు. పుట్టినప్పటి నుండి దువా ముఖాన్ని ఫొటోగ్రాఫర్ల కంటబడకుండా ఈ దంపతులు ప్రత్యేక జాగ్రత్తలు తీసుకుంటున్నారు. మీడియా వారికి కూడా ఇదే విజ్ఞప్తి చేశారు. అయితే తాజాగా ఒక వ్యక్తి సీక్రెట్‌గా దువా ఫోటోలు తీసి ఆన్‌లైన్‌లో షేర్ చేయడంతో దీపిక చాలా ఆవేద‌న వ్యక్తం చేసింది. ఫ్యాన్స్ కూడా దీపికకు మద్దతుగా నిలుస్తున్నారు. “పేరెంట్స్ అనుమతి లేకుండా చిన్నారి ఫొటో షేర్ చేయడం తప్పు” అంటూ సోషల్ మీడియాలో ఆమెకు మద్దతుగా కామెంట్స్ పెడుతున్నారు.
