By తమిళ హీరో సూర్య – వెంకీ అట్లూరి దర్శకత్వంలో ఓ సినిమా రాబోతోంది. ఈ సినిమాపై ఇప్పటికే చాలా రూమర్స్ వినిపించాయి. సూర్య పాత్రలో రెండు కోణాలు ఉంటాయని, పైగా సూర్య నెగిటివ్ షేడ్స్‌లో కనిపిస్తాడని.. సూర్య పాత్ర కోసం వెంకీ అట్లూరి ప్రత్యేకమైన లుక్‌ను కూడా డిజైన్ చేస్తున్నాడని తెలుస్తోంది. ప్రస్తుతం ఓ యాక్షన్ సీక్వెన్స్‌ను షూట్ చేస్తున్నారని తెలుస్తోంది. సినిమా మొత్తానికే ఈ యాక్షన్ సీక్వెన్స్ మెయిన్ హైలెట్‌గా నిలుస్తోందట. అన్నట్టు ఇప్పటికే, సంగీత దర్శకుడు జీవీ ప్రకాష్, సూర్య సినిమాకు వెంకీతో కలిసి మ్యూజిక్ పనులు కూడా మొదలుపెట్టాడు. ఈ సినిమాకు హీరోయిన్‌గా భాగ్యశ్రీ భోర్సేను తీసుకునే ప్లాన్‌లో ఉన్నారని మొదట వార్తలు వచ్చాయి. ఆ తర్వాత ఆ పాత్రకి గ్లామరస్ బ్యూటీ ‘కాయదు లోహర్’ను తీసుకోబోతున్నారని టాక్ నడిచింది. సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ ఈ సినిమాని నిర్మిస్తున్నాడు. మరి ఈ సినిమా ఏ రేంజ్‌లో విజయాన్ని సాధిస్తుందో చూడాలి.
