By అంచల్‌ గౌడ, పాయల్‌ చెంగప్ప, రోషిణి, యష్ణ ప్రధాన పాత్రల్లో నటిస్తున్న చిత్రం ‘బ్యాడ్‌గాళ్స్‌’. ‘కానీ చాలా మంచోళ్లు’ ఉపశీర్షిక. రోహన్‌ సూర్య, మెయిన్‌ రోల్స్ పోషిస్తున్నారు. మున్నా ధూలిపూడి దర్శకుడు. ఈ సినిమాలో ‘ఇలా చూసుకుంటావే..’ అనే పాటను త్వరలో విడుదల చేయబోతున్నారు. దీనికి సంబంధించిన టీజర్‌ను ఇటీవల విడుదల చేశారు. చంద్రబోస్‌ సాహిత్యాన్నందించిన ఈ పాటను సిధ్‌శ్రీరామ్‌ ఆలపించారు. అనూప్‌రూబెన్స్‌ స్వరకర్త. ఈ సినిమాకి సంబంధించి ఇటీవల విడుదలైన మోషన్‌ పోస్టర్‌ సోషల్‌ మీడియాలో ట్రెండింగ్‌లో ఉందని, పూర్తి వినోదాత్మకంగా సాగే ఈ సినిమాలో మహిళలు స్వీయరక్షణను పెంచుకుని ధైర్యంగా బతకాలనే అంశాన్ని చూపెడుతున్నామని, సందేశాత్మక కథ ఇదని దర్శకుడు పేర్కొన్నారు. ఈ సినిమాకి నిర్మాతలు: శశిధర్‌ నల్లా మరి కొందరు.
