By డా.బ్రహ్మానందం నటిస్తున్న లేటెస్ట్ సినిమా ‘బ్రహ్మా ఆనందం’ ఫిబ్రవరి 14న రిలీజ్‌కు రెడీ అవుతోంది. చాలా రోజుల తర్వాత బ్రహ్మానందం ఫుల్ ప్లెడ్జ్ పాత్రలో నటిస్తుండటంతో ఈ సినిమాను చూసేందుకు ప్రేక్షకులు ఆసక్తిగా ఉన్నారు. ఇక ఈ సినిమాలో రాజా గౌతమ్ హీరోగా నటిస్తున్నాడు. ఇప్పటికే రిలీజ్ అయిన ఈ సినిమా ట్రైలర్ ప్రేక్షకుల్లో మంచి రెస్పాన్స్‌ను తెచ్చుకుంది. దీంతో ఈ సినిమాకి సంబంధించిన ప్రీ-రిలీజ్ ఈవెంట్‌ను గ్రాండ్‌గా నిర్వహించేందుకు చిత్ర యూనిట్ రెడీ అయ్యింది. ఇక ఈ ప్రీ-రిలీజ్ ఈవెంట్‌కు ముఖ్య అతిథిగా మెగాస్టార్ చిరంజీవి రానున్నట్లు సినిమా యూనిట్ ప్రకటించింది. బ్రహ్మానందంతో చిరంజీవికి ఎలాంటి సాన్నిహిత్యం ఉందో అందరికీ తెలిసిందే. ఇప్పుడు ఈ సినిమా ప్రీ-రిలీజ్ ఈవెంట్‌లో చిరు, బ్రహ్మీ ఎలాంటి ఇంట్రెస్టింగ్ విషయాలు పంచుకుంటారా అని అభిమానులు ఆసక్తిగా ఎదురుచూస్తున్నారు. ఇక ఈ ప్రీ-రిలీజ్ ఈవెంట్‌ను ఫిబ్రవరి 11(నేడు)న సాయంత్రం 6 గంటలకు నిర్వహిస్తున్నట్లు మేకర్స్ వెల్లడించారు. ఇక ‘బ్రహ్మా ఆనందం’ సినిమాని ఆర్‌విఎస్ నిఖిల్ డైరెక్ట్ చేస్తుండగా వెన్నెల కిషోర్, ప్రియా వడ్లమాని, రాజీవ్ కనకాల, సంపత్ రాజ్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకి శాండిల్య పీసపాటి సంగీతం అందిస్తున్నాడు.
