By అమెరికాలోని టంపా నగరంలో 2025 వేడుకలు అట్ట‌హాసంగా జ‌రిగిన విష‌యం తెలిసిందే. తెలుగువారంతా ఏర్పాటు చేసిన ఈ వేడుకల్లో హీరో అల్లు అర్జున్ పాల్గొనడంతో ఈ వేడుక మరింత ఎట్రాక్ష‌న్‌గా మారింది. ఆయన రాకతో అక్క‌డి వారి ఆనందానికి అవ‌ధులు లేకుండా పోయాయి. విదేశాల్లో నివసించే తెలుగు కుటుంబాలకు NATSలో అల్లు అర్జున్‌ను చూడటం అంటే ఒక నటుడిని కలవడం కాదు. వారి మూలాలు, వారి భాష, వారి సంస్కృతితో తిరిగి కనెక్ట్ అయిన ఫీలింగ్ ఏర్పడింది. ప్రపంచవ్యాప్తంగా ఉన్న లక్షలాది తెలుగు ప్రజలకు అల్లు అర్జున్ ఒక సినిమా నటుడికంటే ఎక్కువ. ఆయన ఒక ఎమోషన్‌.. ఒక బ్రాండ్‌… ఒక స్ఫూర్తి. NATS 2025 ఒక కళా కార్యక్రమం మాదిరిగా కాకుండా, తెలుగు వారి ఐక్యతకు ప్రతీకగా, సంస్కృతి పరిరక్షణకు వేదికగా మారింది. ఇక వేదికపైకి వ‌చ్చిన తర్వాత అల్లు అర్జున్, తన మార్క్ డైలాగులతో ప్రేక్షకులను ఉర్రూతలూగించాడు ‘‘ఇండియన్స్ ఎక్కడున్నా తగ్గేదేలే..! అందులో తెలుగువాళ్లయితే అస్సలు తగ్గేదేలే..!’’, ఈ డైలాగ్ ఆడిటోరియంలో ఉన్న ప్రేక్ష‌కులకి పూన‌కాలు తెప్పించేలా ఉన్నాయి. ఇక బన్నీ తన‌దైన స్టైల్‌లో యాంకర్ శ్రీముఖిపై కూడా ప్ర‌శంస‌లు కురిపించాడు. ‘మీ యాంకరింగ్‌ మాత్రం రప్పా రప్పా!’’ అంటూ ఆమెను బాగా మెచ్చుకున్నాడు బన్నీ.
