By తెలుగు, తమిళ ప్రేక్షకులకు పెద్దగా పరిచయం చేయనక్కరలేని యాక్టర్ విశాల్. విశాల్ నటించిన సినిమాల్లో ఒకటి మదగజరాజ. బ్యాక్ టు బ్యాక్ సినిమాలతో బిజీగా ఉన్న విశాల్కు సంబంధించిన ఆసక్తికర వార్త ఒకటి బయటకు వచ్చింది. యాక్షన్ కామెడీ బ్యాక్ డ్రాప్లో వచ్చిన ఈ సినిమాని సుందర్ సీ డైరెక్ట్ చేశాడు. అంజలి, వరలక్ష్మి శరత్కుమార్ ఫిమేల్ లీడ్ రోల్స్లో నటించగా.. సంతానం, సోనూసూద్ కీలక పాత్రల్లో నటించారు. 2013 పొంగళ్ కానుకగా జనవరిలోనే విడుదల కావాల్సిన ఈ సినిమా పలు కారణాలతో వాయిదా పడ్డది. 12 ఏళ్ల లాంగ్ గ్యాప్ తర్వాత థియేటర్లలో సందడి చేసేందుకు రెడీ అయింది. ఈ సినిమా జనవరి 12న గ్రాండ్గా విడుదల కానుంది. అజిత్కుమార్ నటించిన విదాముయార్చి సంక్రాంతి బరిలో నుండి తప్పుకోవడంతో విశాల్ టీం ఈ నిర్ణయం తీసుకుందట. ఈ సినిమాకి విజయ్ ఆంటోనీ సంగీతం అందించాడు. మరి దశాబ్ధం తర్వాత థియేటర్లలోకి వస్తున్న ఈ సినిమాకు సినీ ప్రేక్షకుల నుండి ఎలాంటి స్పందన రాబోతుందనేది వేచి చూడాలి.
