By బాలీవుడ్ నటి మలైకా అరోరా మరోసారి తన వ్యక్తిగత జీవితంతో వార్తల్లో నిలిచారు. గతంలో నటుడు అర్జున్ కపూర్తో రిలేషన్షిప్లో ఉన్న ఆమె, ఇటీవల అతనితో విడిపోయిన తర్వాత ఇప్పుడు ప్రముఖ వ్యాపారవేత్త హర్ష్ మెహతాతో డేటింగ్ చేస్తున్నారనే ప్రచారం సోషల్ మీడియాలో జోరుగా సాగుతోంది. ఇటీవల ముంబైలో జరిగిన పలు కార్యక్రమాల్లో మలైకా, హర్ష్ మెహతా ఒకే ఈవెంట్లకు హాజరుకావడం ఈ రూమర్లకు కారణమైంది. ముఖ్యంగా బాంద్రాలో నిర్వహించిన ఓ ప్రైవేట్ పార్టీలో మలైకా తన కుమారుడు అర్హాన్ ఖాన్తో కలిసి పాల్గొనగా, అదే వేడుకకు హర్ష్ మెహతా కూడా వచ్చినట్లు బాలీవుడ్ వర్గాలు చెబుతున్నాయి. దీంతో ఇద్దరి మధ్య ప్రత్యేక అనుబంధం ఉందంటూ నెటిజన్లు చర్చించుకుంటున్నారు.
అయితే ఇద్దరూ కలిసి మీడియా ముందు కనిపించలేదు. అలాగే తమ సంబంధంపై ఎలాంటి వ్యాఖ్యలు కూడా చేయలేదు. సన్నిహితుల కథనం ప్రకారం, తమ వ్యక్తిగత విషయాలను గోప్యంగా ఉంచాలనే ఉద్దేశంతోనే వారు వ్యవహరిస్తున్నట్లు సమాచారం. అయినప్పటికీ, వివిధ సందర్భాల్లో ఇద్దరూ ఒకే ప్రదేశంలో కనిపించిన ఫొటోలు, వీడియోలు వైరల్ కావడంతో ఈ ప్రచారం మరింత ఊపందుకుంది. అయితే ప్రస్తుతం ఈ వార్తలపై మలైకా అరోరా గానీ, హర్ష్ మెహతా గానీ అధికారికంగా స్పందించలేదు. దీంతో వీరి డేటింగ్ వార్తల్లో ఎంతవరకు నిజం ఉందో స్పష్టత రావాలంటే అధికారిక ప్రకటన వచ్చే వరకు వేచి ఉండాల్సి ఉంది.
