శ్రీలీల చేసిన ఒక్క నిర్ణయం.. అఖిల్ కెరీర్‌ను మార్చేసిందా?

అఖిల్ నటించిన ‘లెనిన్’ సినిమా విడుదల తర్వాత పాజిటివ్ టాక్ అందుకోవడంతో సోషల్ మీడియాలో కొత్త చర్చ మొదలైంది. ఈ చిత్రంలో మొదట హీరోయిన్‌గా శ్రీలీలను ఎంపిక చేసినప్పటికీ, డేట్స్ సర్దుబాటు కాకపోవడంతో ఆమె ప్రాజెక్ట్ నుంచి తప్పుకోగా, ఆమె స్థానంలో భాగ్యశ్రీ బోర్సే నటించారు. ఇప్పుడు సినిమా విజయవంతంగా నడుస్తుండటంతో కొందరు నెటిజన్లు శ్రీలీలపై ట్రోల్స్ చేస్తున్నారు. శ్రీలీల ఈ సినిమాలో ఉండి ఉంటే ఫలితం మరోలా ఉండేదని, ఆమె తప్పుకోవడం ‘లెనిన్’కు కలిసొచ్చిందని సోషల్ మీడియాలో కామెంట్లు వైరల్ అవుతున్నాయి. అయితే ఇవన్నీ నెటిజన్ల వ్యక్తిగత అభిప్రాయాలే తప్ప అధికారికంగా ఎలాంటి ఆధారాలు లేవు. ఒక సినిమా విజయం లేదా పరాజయాన్ని ఒక్క నటి లేదా నటుడితో మాత్రమే ముడిపెట్టడం సరైంది కాదని మరికొందరు అభిప్రాయపడుతున్నారు. దర్శకుడు, కథ, స్క్రీన్‌ప్లే, సంగీతం, నటీనటుల ప్రదర్శనతో పాటు పలు అంశాలు సినిమా ఫలితాన్ని ప్రభావితం చేస్తాయి. ప్రస్తుతం ‘లెనిన్’ విజయంతో పాటు శ్రీలీలపై వస్తున్న ట్రోల్స్ కూడా సోషల్ మీడియాలో హాట్ టాపిక్‌గా మారాయి.