By టాలీవుడ్లో ఇటీవల విడుదలైన ‘దీవాన’ చిత్రం పాజిటివ్ టాక్తో ప్రేక్షకుల ఆదరణ పొందుతోంది. సినిమా విజయాన్ని పురస్కరించుకుని నిర్వహించిన ‘థ్యాంక్యూ మీట్’కు హీరో శ్రీవిష్ణు ముఖ్య అతిథిగా హాజరయ్యారు. ఈ సందర్భంగా శ్రీవిష్ణు మాట్లాడుతూ, ‘దీవాన’ తనకు ఎంతో నచ్చిందని చెప్పారు. సినిమాను మరింత మంది ప్రేక్షకులు చూడాలనే ఉద్దేశంతో శనివారం ఈ చిత్రం ప్రదర్శితమవుతున్న ప్రతి థియేటర్లో తొలి 25 టికెట్లకు ‘బై 1 గెట్ 1’ ఆఫర్ ప్రకటించారు.
తాను మొదట సినిమా ఫస్ట్ హాఫ్ మాత్రమే చూడాలనుకున్నానని, అయితే ఇంటర్వెల్ ట్విస్ట్ ఆకట్టుకోవడంతో రెండో భాగాన్ని కూడా పూర్తిగా చూశానని తెలిపారు. దర్శకుడి ప్రతిభ, నటీనటుల నటన, సాంకేతిక నిపుణుల పనితీరును ఆయన ప్రశంసించారు.
సినిమా చూస్తున్నంత సేపు కథలో పూర్తిగా లీనమయ్యానని, పాత్రలతో భావోద్వేగంగా కనెక్ట్ అయ్యానని శ్రీవిష్ణు అన్నారు. ప్రతి సినిమాతో అలాంటి అనుభూతి రాదని, ‘దీవాన’ మాత్రం తనపై బలమైన ముద్ర వేసిందని పేర్కొన్నారు.
