By గ్లోబల్ స్టార్ రామ్ చరణ్ హీరోగా, బుచ్చిబాబు సానా దర్శకత్వంలో తెరకెక్కిన ‘పెద్ది’ బాక్సాఫీస్ వద్ద విజయవంతమైన ప్రస్థానాన్ని కొనసాగిస్తోంది. విడుదలైన రెండో వారంలో కూడా ఈ చిత్రం అద్భుతమైన వసూళ్లను నమోదు చేస్తూ ప్రపంచవ్యాప్తంగా రూ. 393 కోట్ల గ్రాస్ కలెక్షన్లు సాధించింది. దీంతో త్వరలోనే రూ. 400 కోట్ల క్లబ్లోకి అడుగుపెట్టబోతోంది. ఇప్పటికే ఈ ఏడాది అత్యధిక వసూళ్లు సాధించిన దక్షిణాది చిత్రంగా ‘పెద్ది’ రికార్డు సృష్టించింది. బుధవారం నుంచి కొత్త సన్నివేశాలను జోడించనున్నట్లు చిత్రబృందం ప్రకటించడంతో ప్రేక్షకుల్లో మరింత ఆసక్తి పెరిగింది.
ఈ చిత్రంలో జాన్వీ కపూర్ హీరోయిన్గా నటించగా, శివ రాజ్కుమార్, జగపతి బాబు, దివ్యేందు శర్మ, బోమన్ ఇరానీ కీలక పాత్రల్లో కనిపించారు. ఏఆర్ రెహమాన్ అందించిన సంగీతం సినిమాకు ప్రత్యేక ఆకర్షణగా నిలిచింది. వృద్ధి సినిమాస్ బ్యానర్పై వెంకట సతీష్ కిలారు సుమారు రూ. 350 కోట్ల భారీ బడ్జెట్తో ఈ చిత్రాన్ని నిర్మించారు. స్పోర్ట్స్ డ్రామా, ఎమోషనల్ ఎలిమెంట్స్, భారీ యాక్షన్ సన్నివేశాలతో ‘పెద్ది’ ప్రేక్షకులను ఆకట్టుకుంటూ విజయవంతంగా ప్రదర్శితమవుతోంది.
