By వరుణ్ సందేశ్ హీరోగా తెరకెక్కుతున్న కొత్త చిత్రం ‘నా వైఫ్ మిస్సింగ్’ పూజా కార్యక్రమాలతో ఘనంగా ప్రారంభమైంది. కొమర మీడియా వర్క్స్ బ్యానర్పై ఆహా సమర్పణలో శివ కంఠంనేని, ఆర్ వెంకటేశ్వర రావు నిర్మాతలుగా ఈ చిత్రాన్ని రూపొందిస్తున్నారు. ‘నయనం’ వెబ్ సిరీస్తో గుర్తింపు పొందిన స్వాతి ప్రకాష్ మంత్రిప్రగడ ఈ చిత్రానికి దర్శకత్వం వహిస్తున్నారు. సైకలాజికల్ థ్రిల్లర్ జానర్లో ప్రేమ కథతో ఈ సినిమా ప్రేక్షకులను ఆకట్టుకోనుంది. ప్రవీణ్, మోహిత్, సత్య శ్రీ తదితరులు కీలక పాత్రల్లో నటిస్తున్నారు. సతీష్ కుమార్ ఎన్ఎస్ సినిమాటోగ్రఫీ అందిస్తుండగా, సాయి బాబు తలారి ఎడిటింగ్ చేస్తున్నారు. సంగీత దర్శకుడు సాయి కార్తీక్ ఈ చిత్రానికి మ్యూజిక్ అందిస్తున్నారు. ఉమర్జీ అనురాధ కథను అందించగా, శ్రీనివాస్ మండల స్క్రీన్ప్లే, ఆదిత్య భార్గవ్ డైలాగ్స్ అందిస్తున్నారు. ఈ చిత్రం రెగ్యులర్ షూటింగ్ ఇప్పటికే ప్రారంభమైంది. ‘మిస్సింగ్ వైఫ్ ఎవరు?’ అనే ఆసక్తికరమైన అంశంతో సినిమా సాగనుందని మేకర్స్ తెలిపారు.
