By ఎస్‌.ఎస్‌. దుష్యంత్, ఆషికా రంగనాథ్ ప్రధాన పాత్రల్లో నటించిన “గత వైభవ” ఎపిక్ ఫాంటసీ డ్రామా ఈ నెల 14న థియేటర్లలో విడుదలకు సిద్ధమవుతోంది. సింపుల్ సుని దర్శకత్వంలో సర్వెగర సిల్వర్ స్క్రీన్స్, సుని సినిమాస్ బ్యానర్లపై దీపక్ తిమ్మప్ప, సుని నిర్మించారు. ఈ చిత్ర తెలుగు హక్కులను ప్రైమ్‌షో ఎంటర్‌టైన్‌మెంట్ సంస్థకు చెందిన కె. నిరంజన్ రెడ్డి, చైతన్య రెడ్డి సొంతం చేసుకున్నారు. తమ సక్సెస్‌ఫుల్ డిస్ట్రిబ్యూషన్ నెట్‌వర్క్‌తో ఈ సినిమాను ఆంధ్రప్రదేశ్, తెలంగాణ, ఉత్తర అమెరికా, కెనడా ప్రాంతాల్లో గ్రాండ్‌గా విడుదల చేయనున్నారు. లవ్‌, మైథాలజీ, పునర్జన్మ, పీరియడ్ డ్రామా అంశాలతో కూడిన ఈ చిత్రం నాలుగు యుగాల నేపథ్యంతో సాగుతుంది. విలియమ్ జె. డేవిడ్ సినిమాటోగ్రఫీ, జుదా శాండీ సంగీతం, శివకుమార్ ఆర్ట్ డైరెక్షన్ ఈ చిత్ర ప్రత్యేకతలు. అద్భుతమైన వీఎఫ్ఎక్స్ విజువల్స్‌తో “గత వైభవ” ప్రేక్షకులకు విజువల్ వండర్ ఎక్స్‌పీరియన్స్ అందించనుంది.
