By నాగచైతన్య కొత్త సినిమాలో మీనాక్షి చౌదరి ఫస్ట్ లుక్ పోస్టర్ విడుదలైంది. కార్తీక్ దండు డైరెక్ట్ చేస్తున్న ఈ సినిమాలో ఆమె ఆర్కియాలజీ సైంటిస్ట్ దక్ష పాత్రను చేస్తోంది. హీరోయిన్ మీనాక్షి చౌదరి కొత్త పాత్రకు సంబంధించిన పోస్టర్ విడుదలైంది. నాగచైతన్య హీరోగా ‘విరూపాక్ష’ దర్శకుడు కార్తీక్ దండు ఓ సినిమా తెరకెక్కిస్తున్న సంగతి తెలిసిందే. ఇందులో మీనాక్షి చౌదరి హీరోయిన్. సోమవారమే ఈ సినిమాలో ఆమె పాత్రకు సంబంధించిన ఫస్ట్ లుక్‌ను విడుదల చేస్తామని నిర్మాత బి.వి.ఎస్.ఎన్. ప్రసాద్ తెలిపారు. అయితే చేవెళ్ళ బస్ దుర్ఘటనతో దానిని ఈ రోజుకు వాయిదా వేశారు. ఆ ప్రకారంగా మీనాక్షి చౌదరి ఫస్ట్ లుక్ పోస్టర్స్‌ను మేకర్స్ రిలీజ్ చేశారు. ఇంకా పేరుపెట్టని ఈ మిథికల్ థ్రిల్లర్ సినిమాలో దక్ష అనే ఆర్కియాలజీ సైంటిస్ట్ పాత్రను మీనాక్షి చౌదరి చేస్తోంది. తాజాగా విడుదలైన పోస్టర్ చూస్తుంటే… ఈ పాత్ర సినిమాలో చాలా కీలకమైందనేది అర్థమౌతోంది. దర్శకుడు సుకుమార్ సైతం నిర్మాతగా వ్యవహరిస్తున్న ఈ సినిమాతో ‘లాపతా లేడీస్’ ఫేమ్ స్పర్శ్‌ శ్రీవాస్తవ టాలీవుడ్ ఎంట్రీ ఇస్తున్నాడు. కన్నడ సంగీత దర్శకుడు అజనీశ్‌ బి. లోకనాథ్‌ ఈ సినిమాకి సంగీతం సమకూరుస్తున్నారు.
