By మలయాళ హీరో పృథ్వీరాజ్ సుకుమారన్ పుట్టినరోజు సందర్భంగా ఆయ‌న ఫ్యాన్స్‌కు డబుల్ ట్రీట్ అందింది. ఆయ‌న ప్ర‌ధాన పాత్ర‌లో న‌టిస్తున్న ‘ఖలీఫా’ సినిమా నుండి మేక‌ర్స్ ఫ‌స్ట్ గ్లింప్స్‌ను విడుద‌ల చేశారు. ‘ది బ్లడ్‌లైన్’ అనే క్యాప్ష‌న్‌తో వ‌చ్చిన ఈ గ్లింప్స్‌లో పృథ్వీరాజ్ గ్యాంగ్‌స్ట‌ర్‌గా క‌నిపించ‌బోతున్న‌ట్లు తెలుస్తోంది. ఈ సినిమా గోల్డ్ మాఫియా బ్యాక్‌డ్రాప్‌లో రాబోతోంది. వైశాఖ్ ఈ సినిమాకు ద‌ర్శ‌క‌త్వం వ‌హిస్తుండ‌గా.. జిను వి. అబ్రహాం, సూర‌జ్ కుమార్ సంయుక్తంగా నిర్మిస్తున్నారు. జాక్స్ బెజాయ్ సంగీతం అందిస్తున్నాడు. ఈ సినిమా ఓనం సందర్భంగా 2026లో ప్రేక్ష‌కుల ముందుకు రాబోతోంది.
