By చిరంజీవి నటిస్తున్న మరో సినిమా మెగా 158. బాబీ కొల్లి ఈ సినిమాకు దర్శకత్వం వహిస్తున్నాడు. ఇప్పటికే వీరిద్దరి కాంబోలో వాల్తేరు వీరయ్య సినిమా వచ్చి మంచి విజయాన్ని దక్కించుకుంది. ఇక మరోసారి ఈ కాంబో రిపీట్ అవుతుంది అనేసరికి ఫ్యాన్స్ ఈ సినిమాపై ఎన్నో అంచనాలను పెట్టుకున్నారు. ఈసారి బాబీ.. చిరును సరికొత్తగా చూపించనున్నాడని తెలుస్తోంది. చిరునే కాకుండా క్యాస్టింగ్‌ను కూడా చాలా ఆచితూచి పెట్టనున్నాడట. అందుతున్న సమాచారం ప్రకారం మెగా 158 కోసం లేడీ సూపర్ స్టార్ అనుష్క శెట్టిని రంగంలోకి దింపుతున్నట్లు సమాచారం. ఇప్పటివరకు చిరంజీవి సరసన హీరోయిన్‌గా నటించని ఏకైక హీరోయిన్ అనుష్క మాత్రమే. స్టాలిన్‌లో కూడా చిరుతో ఒక సాంగ్‌కు మాత్రమే పరిమితమయ్యింది. ఆ తరువాత వీరిద్దరిని కలిపే డైరెక్టరే రాలేదు. ఇక ఇప్పుడు అవకాశం బాబీ తీసుకున్నాడు. చిరు సరసన కుర్ర హీరోయిన్లు నటిస్తుంటే … అంతగా నప్పడం లేదు. ఎందుకంటే ఆయన వయస్సు 70.. అలా కనిపించకపోయినా కూడా మనవరాలి వయస్సు ఉన్న హీరోయిన్లతో రొమాన్స్ ఏంటి అంటూ అనుకుంటున్నారు. ఇక ఈసారి అలాంటి కామెంట్స్ ఏమీ రాకుండా సీనియర్ హీరోయిన్లతోనే చిరు రొమాన్స్ చేయడానికి రెడీ అయ్యాడు. అనిల్ సినిమాలో చిరు సరసన నయన్ నటిస్తోంది. ఇక ఇప్పుడు ఇందులో అనుష్కను అనుకుంటున్నారని సమాచారం. స్వీటీ సైతం ఎప్పుడెప్పుడు చిరుతో ఒక సినిమా చేయాలా అని ఎదురుచూస్తోంది. నిజం చెప్పాలంటే వీరిది పర్ఫెక్ట్ జోడీ అని చెప్పొచ్చు. కానీ, తన బరువు ఆ కోరికను చంపేస్తూ వస్తోంది. మొన్నీమధ్య వచ్చిన ఘాటీ కూడా స్వీటీ బరువు వలనే ఆశించిన ఫలితాన్ని అందుకోలేకపోయింది అనేది వాస్తవం. చిరు సరసన రొమాన్స్ అంటే స్వీటీ కొద్దిగా అయినా బరువు తగ్గాలి. మరి ఈ ఛాన్స్ కోసం స్వీటీ బరువు తగ్గుతుందా..? లేదా.. అవకాశాన్ని వదులుకుంటుందా..? అనేది చూడాలి.
