By టాలీవుడ్ నుండి రాబోయే పెద్ద సినిమాల్లో క‌ల్కి 2 ఒక‌టి. నాగ్ అశ్విన్ ద‌ర్శ‌క‌త్వంలో వ‌చ్చిన బ్లాక్ బ‌స్ట‌ర్ సినిమా క‌ల్కి సినిమాకు సీక్వెల్ గా ఈ సినిమా రాబో తోంది. ప్ర‌భాస్ ఈ సినిమాలో హీరోగా న‌టించ‌గా.. దీపికా పదుకొణె, దిశా ప‌టాని హీరోయిన్లుగా న‌టించారు. ఈ సినిమాకు పార్ట్ 2 త్వ‌ర‌లోనే సెట్స్ మీద‌కు వెళ్ల‌నున్న విష‌యం తెలిసిందే. ఈ క్ర‌మంలోనే ఈ ప్రాజెక్ట్ కు సంబంధించి ఒక షాకింగ్ న్యూస్ ను చిత్ర‌బృందం వెల్ల‌డించింది. ఈ ప్రాజెక్ట్ నుండి బాలీవుడ్ న‌టి దీపికా పదుకొణె త‌ప్పుకున్న‌ట్లు చిత్ర‌బృందం అధికారికంగా ప్ర‌క‌టించింది. ఈ విష‌యాన్ని ఎక్స్ వేదిక‌గా వెల్ల‌డించింది. క‌ల్కి 2 సినిమాలో దీపికా పదుకొణె నటించడం లేదని అధికారికంగా ప్ర‌క‌టిస్తున్నాం. చాలా విషయాల్లో పరిశీలించిన తర్వాత తన పార్ట్ నర్ షిప్‌ నుండి విడిపోవాలని నిర్ణయించుకున్నాం. పార్ట్1 సినిమా చేయడానికి చాలా దూరం ప్రయాణించినప్పటికీ మా మధ్య భాగస్వామ్యం కుదరలేదు.
