By భారత ప్రధాని నరేంద్ర మోదీ జీవిత చరిత్ర సినిమాగా తీయబోతున్నారు. ‘మా వందే’ పేరుతో రూపొందించనున్న ఈ సినిమాకి క్రాంతికుమార్‌ సి.హెచ్‌. దర్శకత్వం వహిస్తారు. నరేంద్ర మోదీ పాత్రను మలయాళ నటుడు ఉన్ని ముకుందన్‌ పోషిస్తున్నారు. మోదీ వ్యక్తిగత, రాజకీయ జీవితంలోని ఆసక్తికరమైన సంఘటనలు, ఆయన ఎదుర్కొన్న సవాళ్లను ఈ సినిమాలో చూపించబోతున్నామని, అంతర్జాతీయ ప్రమాణాలతో పాన్‌ ఇండియాతో పాటు ఇంగ్లీష్ లోనూ తెరకెక్కించబోతున్నామని నిర్మాత వీర్‌ రెడ్డి ఎం. తెలిపారు. ఎన్నో పోరాటాల కన్నా తల్లి సంకల్పం గొప్పదనే సందేశాన్నిస్తూ ప్రధాని మోదీ జీవితంలోని యధార్థ సంఘటనలను ఈ సినిమాలో చూపించబోతున్నామని దర్శకుడు క్రాంతికుమార్‌ పేర్కొన్నారు. ఈ సినిమాకి కెమెరా: కె.కె.సెంథిల్‌ కుమార్‌, సంగీతం: రవి బస్రూర్‌.
