By 96, సత్యం సుందరం వంటి క్లాసిక్ సినిమాలను అందించిన దర్శకుడు ప్రేమ్ కుమార్ సి ఇప్పుడు తన కొత్త సినిమాని పట్టాలెక్కించేందుకు రెడీ అవుతున్నాడు. ఆయన డైరెక్షన్ లో ఓ సినిమా వస్తుందంటే ప్రేక్షకుల్లో సాలిడ్ ఇంపాక్ట్ క్రియేట్ అవుతుంది. ముఖ్యంగా తమిళ్ ఆడియెన్స్ తో పాటు తెలుగు ప్రేక్షకుల్లోనూ ఈ డైరెక్టర్ కు మంచి క్రేజ్ ఉంది. ఇక ప్రేమ్ కుమార్ సి తన నెక్స్ట్ సినిమాని తొలుత హీరో విక్రమ్ తో చేయాలని భావించాడట. కానీ, ఎందుకో ఆ సినిమా వాయిదా పడిందని తెలుస్తోంది. దీంతో ఇప్పుడు తన తదుపరి సినిమాకి ఫహద్ ఫాసిల్ ను హీరోగా పెట్టి తీయాలని కోలీవుడ్ వర్గాలు అనుకుంటున్నాయి. ఓ యాక్షన్ థ్రిల్లర్ గా రూపొందించనున్న సినిమాలో తనదైన ఎమోషనల్ కంటెంట్ ను నింపేందుకు ఈ డైరెక్టర్ రెడీ అవుతున్నాడట. 45 నిమిషాల నరేషన్ తో ఫహద్ ఫాసిల్ ను ప్రేమ్ కుమార్ ఇంప్రెస్ చేసినట్లు తెలుస్తోంది. ఇక ఈ సినిమాతో తమిళంలో ఫహద్ ఫాసిల్ కు తొలి సోలో హిట్ దక్కడం ఖాయమని కోలీవుడ్ వర్గాలు చెబుతున్నాయి. ఈ సినిమాకి సంబంధించిన షూటింగ్ 2026 జనవరిలో స్టార్ట్ చేయబోతున్నారు.
