By తెలుగు సినీ ఇండస్ట్రీలో ప్రాచుర్యం పొందిన యువ గాయకుడు, బిగ్‌బాస్ తెలుగు విజేత, ఆస్కార్ అవార్డు గ్రహీత రాహుల్ సిప్లిగంజ్ త్వరలోనే వివాహ బంధంలోకి అడుగుపెట్టబోతున్నారు. కొంతకాలంగా తన ఫ్రెండ్ హరిణ్య రెడ్డితో ప్రేమ‌లో ఉన్న రాహుల్ ఇటీవ‌ల నిశ్చితార్థం జరుపుకున్నారు. ఇరు కుటుంబాల సమ్మతితో ఈ నిశ్చితార్థ వేడుక ఆగస్ట్ 17న హైదరాబాద్‌లోని ఒక ప్రైవేట్ హోటల్‌లో అత్యంత గ్రాండ్‌గా జరిగింది. ఈ వేడుకకు కుటుంబసభ్యులు, అత్యంత సన్నిహిత స్నేహితులు మాత్రమే హాజరయ్యారు. ఆమె పొలిటికల్ ఫ్యామిలీకి చెందిన సెలబ్రిటీ. తెలుగుదేశం పార్టీకి దగ్గరగా ఉన్న కుటుంబానికి చెందినది హరిణ్య. టీడీపీ సీనియర్ నేత, నెల్లూరు అర్బన్ డెవలప్‌మెంట్ అథారిటీ ఛైర్మన్ కోటంరెడ్డి శ్రీనివాసులు రెడ్డి సోదరుడి కుమార్తె హరిణ్యా రెడ్డి. ఈ కుటుంబం మొత్తం హీరో బాలకృష్ణకు అత్యంత సన్నిహితంగా ఉంటుందని రాజకీయ వర్గాల టాక్. ఇక ఇప్పటికే హరిణ్యాకు సోషల్ మీడియాలో కూడా భారీగా ఫాలోయింగ్ ఉంది. ఇన్‌స్టాగ్రామ్‌లో 15,000 మందికి పైగా ఫాలోయర్లను కలిగి ఉంది. రాహుల్ సిప్లిగంజ్ కూడా ఆమెను ఫాలో అవుతున్నారు. రాహుల్ – హరిణ్య మధ్య పరిచయం స్నేహితుల ద్వారా ఏర్పడి, ఆ స్నేహమే ప్రేమగా మారింది. ఇక రాహుల్ సిప్లిగంజ్ తాజాగా వారి నిశ్చితార్థానికి సంబంధించిన మరికొన్ని ఫొటోలు విడుద‌ల చేశారు. ఈ ఫొటోలు అన్నీ కూడా బ్లాక్ అండ్ వైట్‌లో ఉండగా, ఇవి నెటిజ‌న్స్‌ని ఎంతగానో ఆక‌ట్టుకుంటున్నాయి.
