By బాలీవుడ్‌ నటుడు అనిల్‌కపూర్‌ తన కెరీర్‌ ప్రారంభంలో తెలుగులో ‘వంశవృక్షం’ సినిమాలో యాక్ట్ చేశారు. దర్శకుడు బాపు. మళ్లీ ఇన్నాళ్లకు తెలుగులో ఆయన నటించనున్నట్టు విశ్వసనీయ సమాచారం. తమిళ హీరో సూర్య హీరోగా, టాలీవుడ్‌ డైరెక్టర్‌ వెంకీ అట్లూరి దర్శకత్వంలో ఓ పాన్‌ ఇండియా సినిమా రూపొందుతున్న విషయం తెలిసిందే. సితార ఎంటర్‌టైన్‌మెంట్స్‌ నిర్మిస్తున్న ఈ సినిమాకి ‘విశ్వనాథ్‌ అండ్‌ సన్స్‌’ అనే ఆసక్తికరమైన టైటిల్‌ను ఫిక్స్‌ చేశారు. ఈ సినిమాలోనే అనిల్‌కపూర్‌ కీలకమైన పాత్ర పోషిస్తున్నారట. వెంకీ అట్లూరి ఇప్పటివరకూ రాసిన స్క్రిప్టులన్నింటిలో ఈ స్క్రిప్ట్‌ చాలా బాగా వచ్చిందని ఇన్‌సైడ్‌ టాక్‌. మమితాబైజు హీరోయిన్‌గా నటిస్తున్న ఈ సినిమాకి జి.వి.ప్రకాష్‌కుమార్‌ సంగీతం అందిస్తున్నారు.
