By హీరో ఎస్‌జె సూర్య 10 ఏళ్ల తరువాత మళ్లీ దర్శకునిగా రీఎంట్రీ ఇవ్వడానికి సిద్ధమయ్యారు. ఆయన డైరెక్షన్‌లో రూపొందుతున్న భారీ సినిమా టైటిల్ కిల్లర్. ఈ ప్రతిష్టాత్మక సినిమాలో ఎస్‌జె సూర్య హీరోగానే కాకుండా, కథ, స్క్రీన్‌ప్లే, డైలాగ్స్ కూడా తానే సమకూరుస్తున్నారు. ఈ సినిమాని ప్రముఖ నిర్మాణ సంస్థ గోకులం మూవీస్ (గోకులం గోపాలన్ నేతృత్వంలో) ఎస్‌జె సూర్యా సొంత నిర్మాణ సంస్థ ఏంజెల్ స్టూడియోస్ సంయుక్తంగా నిర్మిస్తున్నాయి. ఈ సినిమాని వి.సి.ప్రవీణ్, బైజ్ గోపాలన్ సంయుక్తంగా నిర్మిస్తున్నారు, కృష్ణమూర్తి ఎగ్జిక్యూటివ్ నిర్మాత. ఇటీవలే ఈ సినిమా గ్రాండ్‌గా లాంచ్ అయ్యింది. మేకర్స్ ఈ రోజు కిల్లర్ ఫస్ట్ లుక్‌ని రిలీజ్ చేశారు. పోస్టర్‌లో ఒకవైపు చేతిలో గన్ పట్టుకుని, రెడ్ డ్రెస్‌లో ఉన్న ప్రీతి అస్రానీని భుజాన ఎత్తుకున్న లుక్ చాలా ఇంట్రస్టింగ్‌గా ఉంది. ఎ.ఆర్. రెహమాన్ ఈ సినిమాకి మ్యూజిక్ అందించబోతున్నారు.
