By టాలీవుడ్ హీరో మహేష్ బాబు ప్రస్తుతం దర్శకుడు ఎస్ఎస్.రాజమౌళి డైరెక్షన్‌లో SSMB29 సినిమాతో బిజీగా ఉన్నాడు. ఇక సమయం దొరికినప్పుడల్లా మహేష్ తన ఫ్యామిలీతో సమయం గడిపేందుకు ప్రాధాన్యత ఇస్తూ విదేశాలకు వెళ్లి వస్తున్నాడు. అయితే, తాజాగా మహేష్ కుటుంబానికి చెందిన ఓ వ్యక్తికి కరోనా పాజిటివ్ వచ్చినట్లు తెలుస్తోంది. మహేష్ బాబు భార్య నమ్రత శిరోద్కర్ సోదరి శిల్పా శిరోద్కర్ గురించి అందరికీ తెలిసిందే. తాజాగా ఆమెకు కోవిడ్ పాజిటివ్ అని తేలింది. ఈ విషయాన్ని ఆమె స్వయంగా తన ఇన్‌స్టా అకౌంట్‌లో పోస్ట్ చేశారు. బాలీవుడ్‌లో నటిగా ఆమెకు మంచి గుర్తింపు ఉంది. ఇక శిల్పా శిరోద్కర్‌కు కరోనా రావడంతో ఆమె ఇంటికే పరిమితం అయ్యింది. అందరూ కోవిడ్ నుండి జాగ్రత్తగా ఉండాలని ఆమె ఈ మేరకు సూచించింది. ఫ్యామిలీ పార్టీలు, ఈవెంట్స్‌లో నమ్రతా, శిల్పా తరుచూ కలుసుకుంటుంటారు. ఇలా తమ ఫ్యామిలీ మెంబర్ కరోనా బారిన పడటంతో మహేష్ బాబు అండ్ ఫ్యామిలీ ఆందోళనలో పడింది.
