By శైలేష్ కొలను దర్శకత్వంలో నాని హీరోగా తెరకెక్కించిన ‘హిట్ 3’. ఈ సినిమా బాక్సాఫీస్ వద్ద కలెక్షన్ల వర్షం కురిపిస్తోంది. కేవలం నాలుగు రోజుల్లోనే ఈ సినిమా ప్రపంచవ్యాప్తంగా రూ.101 కోట్ల గ్రాస్ కలెక్షన్లు సాధించినట్లు మేకర్స్ అధికారికంగా ప్రకటించారు. అటు యూఎస్‌లోనూ ఈ సినిమా $2 మిలియన్లు వసూలు చేసినట్లు మేకర్స్ క్లారిటీ ఇచ్చారు. నాని సినీ కెరీర్‌లో ‘దసరా, సరిపోతుందా శనివారం’ తర్వాత అత్యంత వేగంగా రూ.100 కోట్లు వసూలు చేసిన సినిమాగా హిట్-3 నిలవడం విశేషం. ఇక ఈ సినిమాలో నాని పవర్‌ఫుల్ పర్ఫార్మెన్స్‌కు ప్రేక్షకులు ఫిదా అవుతున్నారు. ముఖ్యంగా అర్జున్ సర్కారుగా తన పాత్రలో నాని అద్భుతంగా నటించాడు. కీలక సన్నివేశాల్లో నాని అభినయం మొత్తం సినిమాకే మెయిన్ హైలైట్. శ్రీనిధి శెట్టి హీరోయిన్‌గా నటించిన ఈ సినిమాకు మిక్కీ జే మేయర్ సంగీతం అందించాడు. ఈ సినిమాను దర్శకుడు శైలేష్ కొలను డైరెక్ట్ చేశారు.
