By ‘హరిహర వీరమల్లు’ సినిమా కోసం పవన్‌కళ్యాణ్‌ ఓ పాట పాడిన విషయం తెలిసిందే. ‘మాట వినాలి గురుడా మాట వినాలి..’ అంటూ సాగే ఈ పాట ఇప్పటికే రెండు తెలుగు రాష్ట్రాల్లో బాగా వైరల్‌ అవుతోంది. రీసెంట్‌గా ఈ సినిమాలోని ఓ యాక్షన్‌ సీక్వెన్స్‌కు పవన్‌కళ్యాణ్‌ యాక్షన్‌ కొరియోగ్రఫీ కూడా చేశారట. ఈ విషయాన్ని చిత్ర దర్శకుడు జ్యోతికృష్ణ స్వయంగా తెలియజేశారు. ఈ సినిమాలో ఆరు యాక్షన్‌ సీక్వెన్సులు ఉన్నాయని, వాటిలో కీలకమైన ఓ యాక్షన్‌ సీక్వెన్స్‌ను పవన్‌కళ్యాణ్‌ స్వయంగా రూపొందించారని ఆయన తెలిపారు. 20 నిమిషాలు సాగే ఈ యాక్షన్‌ ఎపిసోడ్‌ సినిమాకే హైలెట్‌ కానుందని జ్యోతికృష్ణ తెలిపారు. ‘1100 మంది పాల్గొన్న ఈ ఎపిసోడ్‌ కోసం పవన్ చాలా కష్టపడ్డారు. ఇంటర్నేషనల్‌ కొరియోగ్రాఫర్స్‌తో డిస్కస్‌ చేసి ఈ ఎపిసోడ్‌ని ఆయన డిజైన్ చేశారు. హైదరాబాద్‌లోని ఓ ప్రైవేటు స్టూడియోలో ఈ ఎపిసోడ్‌ని షూట్‌ చేశాం’ అని జ్యోతికృష్ణ చెప్పారు. ఈ సినిమా ఫస్ట్‌ పార్ట్‌ని మే 9న విడుదల చేసేందుకు మేకర్స్‌ శతవిధాలా ప్రయత్నిస్తున్నట్టు సమాచారం. నిధి అగర్వాల్‌ కథానాయికగా నటిస్తున్న ఈ సినిమాలో బాబీడియోల్‌, నర్గీస్‌ ఫక్రీ, నోరా ఫతేహీ ఇతర పాత్రధారులు. ఈ సినిమాకి కెమెరా: జ్ఞానశేఖర్‌, మనోజ్‌ పరమహంస, సంగీతం: ఎం.ఎం.కీరవాణి.
