By ‘మ్యాడ్‌’ ఫేమ్‌ అనంతిక సనీల్‌ కుమార్‌ హీరోయిన్‌గా నటిస్తున్న సినిమా ‘8 వసంతాలు’. ఫణీంద్ర నర్సెట్టి దర్శకుడు. ఈ సినిమాని జూన్‌ 20న విడుదల చేయబోతున్నట్లు మేకర్స్‌ ప్రకటించారు. ఈ సందర్భంగా కొత్త పోస్టర్‌ను విడుదల చేశారు. ఇందులో హీరోయిన్ అనంతిక చీరకట్టులో అందంగా కనిపిస్తున్నారు. పొయెటిక్‌ ఫీల్‌తో సాగే ప్రేమకథా చిత్రమిదని.. ప్రేమ, ఎడబాటు, వేదన ప్రధానాంశాలుగా ఈ సినిమా తెరకెక్కిందని చిత్ర బృందం పేర్కొంది. హను రెడ్డి, రవితేజ దుగ్గిరాల, సంజన తదితరులు నటిస్తున్న ఈ సినిమాకి సంగీతం: హేషమ్‌ అబ్దుల్‌ వహాబ్‌, నిర్మాతలు: నవీన్‌ యెర్నేని, వై.రవిశంకర్‌.
