By సిద్ధార్థ్ హీరోగా నటిస్తున్న తాజా ఫ్యామిలీ ఎంటర్‌టైనర్ 3బీహెచ్‌కే, శ్రీగణేష్ దర్శకత్వం వహిస్తున్న ఈ సినిమాని తెలుగు, తమిళ భాషల్లో రూపొందిస్తున్నారు. అరుణ్ విశ్వ నిర్మాత. గురువారం ఫస్ట్‌లుక్‌తో పాటు టైటిల్ టీజర్‌ను విడుదల చేశారు. ఇది మన ఇంటికథ. ఈ ఇంట్లోనే చిన్న చిన్నగా చాలా కథలున్నాయి. ఇది మసాలా డబ్బా కాదు, అమ్మగారి చిన్న బ్యాంక్. ఇది నాన్నగారి సెంటిమెంట్ బీరువా అంటూ సిద్ధార్థ్ వాయిస్ ఓవర్‌తో మొదలైన టీజర్ ఇంట్రెస్టింగ్‌గా సాగింది. శరత్‌కుమార్, దేవయాని, యోగిబాబు తదితరులు నటిస్తున్న ఈ సినిమాకి సంగీతం – అమృత్ రామ్‌నాథ్, సంభాషణలు – రాకేందు మౌళి.
