By బాలీవుడ్ హీరో హృతిక్ రోషన్, టాలీవుడ్ హీరో జూనియర్ ఎన్టీఆర్ ప్రధాన పాత్రల్లో తెరకెక్కుతున్న తాజా సినిమా ‘వార్ 2’. య‌ష్‌రాజ్ ఫిలిమ్స్ బ్యాన‌ర్‌పై ఆదిత్య‌చోప్రా నిర్మిస్తున్నాడు. యాక్షన్ ఎంటర్‌టైనర్‌గా రాబోతున్న ఈ సినిమాకి అయాన్ ముఖర్జీ దర్శకత్వం వహిస్తున్నాడు. ఆగస్టు 14న థియేటర్లలో విడుదల కానుంది. ఈ సినిమా విడుదల తేదీ ద‌గ్గ‌ర‌ప‌డ‌టంతో సినిమా ప్ర‌మోష‌న్స్ చిత్ర‌యూనిట్ షురూ చేసిన విష‌యం తెలిసిందే. ఇందులో భాగంగా ట్రైలర్ అప్‌డేట్‌ను షేర్ చేశారు మేక‌ర్స్. ఈ సినిమా ట్రైల‌ర్‌ను జూలై 25న విడుదల చేయ‌బోతున్న‌ట్లు ప్ర‌కటించారు. దాదాపు 2 నిమిషాల 39 సెకన్ల నిడివి గల ఈ ట్రైలర్ ఉంటుంది. ఇది YRF స్పై యూనివర్స్‌లో ఆరో సినిమా. హృతిక్ రోషన్ కబీర్‌గా తిరిగి రాగా, జూనియర్ ఎన్టీఆర్ ప్రతినాయకుడి పాత్రలో బాలీవుడ్‌లోకి అడుగుపెడుతున్నారు. కియారా అద్వానీ కీలక పాత్రలో యాక్టింగ్ చేస్తోంది.
