By సుజీత్ దర్శకత్వం వహించిన ఓజి సినిమాని డీవీవీ ఎంటర్‌టైన్‌మెంట్స్ బ్యానర్‌ పై డీవీవీ దానయ్య భారీ బడ్జెట్‌తో నిర్మించారు. ప్రియాంక అరుళ్ మోహన్ హీరోయిన్‌గా నటించగా, ప్రకాష్ రాజ్, శ్రేయ రెడ్డి, శుభలేఖ సుధాకర్ వంటి నటీనటులు కీలక పాత్రల్లో కనిపిస్తున్నారు. ముఖ్యంగా బాలీవుడ్ స్టార్ హీరో ఇమ్రాన్ హష్మి ‘ఓమీ’ అనే విలన్ పాత్రలో నటించి మంచి పాజిటివ్ బజ్ తీసుకొచ్చాడు. ఈ సినిమా విడుదల స‌మ‌యంలో థియేటర్ల ముందు అభిమానుల హడావిడి, మ్యూజిక్ ట్రాక్స్ వైరల్ అవ్వటంతో ఓజీ మేనియా ట్రెండింగ్‌గా మారింది.
అయితే చిత్రంలోని “ఫైర్ స్ట్రోమ్” పాట అభిమానుల్లో భారీ క్రేజ్ సృష్టించింది. ఇప్పుడీ క్రేజ్ మ‌రో స్థాయికి చేరుకుంది. ఓ కళాశాల ప్రాంగణంలో ఒక యువతి ఫైర్ స్ట్రోమ్ పాటపై క్లాసికల్ నృత్యం చేసి అంద‌రినీ ఆశ్చ‌ర్య‌ప‌రిచింది. వందలాది మంది విద్యార్థుల మధ్య ఆమె స్టెప్పులు ప్ర‌తి ఒక్క‌రిని ఆక‌ట్టుకున్నాయి. ఈ వీడియో సోషల్ మీడియాలో పోస్ట్ అయిన వెంటనే వైరల్ అయింది. వీడియోను చూసిన నెటిజన్లు “మాస్ పాటకి క్లాసికల్ డాన్స్! ఏం మిక్స్ ఇది?”, “పవన్ క్రేజ్ ఇలానే ఉంటుంది!” వంటి కామెంట్లు పెడుతున్నారు. ఇది ఓజీ సినిమాకి సంబరాన్ని మరింతగా పెంచిందని విశ్లేషకులు చెబుతున్నారు.
