By నాని హీరోగా శ్రీకాంత్ ఓదెల డైరెక్షన్‌లో రూపొందిన ‘దసరా’ ఎంతటి విజయాన్ని సాధించిందో మీకు తెలుసు. నాని కెరీర్‌లో తొలి వందకోట్ల సినిమా ‘దసరా’. ఇప్పుడు మళ్లీ అదే కాంబినేషన్‌లో నిర్మాత సుధాకర్‌ చెరుకూరి ‘ది ప్యారడైజ్‌’ సినిమాను తీస్తున్నారు. దాంతో.. అంచనాలు ఆకాశాన్నంటాయి. ప్రీప్రొడక్షన్‌ పనులు జోరుగా సాగుతున్నాయి. త్వరలోనే షూటింగ్‌ మొదలుపెట్టనున్నారు. ఈ సినిమాకు సంగీత దర్శకుడిగా అనిరుథ్‌ ఖరారైనట్టు మేకర్స్‌ తెలియజేశారు. జెర్సీ, గ్యాంగ్‌లీడర్‌ చిత్రాల తర్వాత నాని, అనిరుథ్‌ కలిసి పనిచేస్తున్న సినిమా ఇదే కావడం విశేషం. ఈ సందర్భంగా నాని తన ఎక్స్‌లో ‘మేం మా హ్యాట్రిక్‌పై దృష్టి పెట్టాం.. ఇది ఒక అద్భుతమైన సినిమా అవుతుంది.. ప్యారడైజ్‌ ఇప్పుడు నాని, అనిరుథ్‌, ఓదెల సినిమా.. స్వాగతం డియర్‌ అనిరుథ్‌..’ అంటూ పోస్ట్‌ చేయగా, ‘ఇది చాలా స్పెషల్‌ మై డియర్‌ నాని..’ అంటూ అనిరుథ్‌ రిప్లయ్‌ ఇచ్చారు.
