By సుబ్బు, ప్రియాంక హీరో హీరోయిన్లుగా నటిస్తున్న డివోషనల్ మూవీ ‘దక్షిణ కాళీ’ త్వరలో ప్రేక్షకుల ముందుకు రానుంది. ఈ చిత్రంలో హీరోయిన్ అర్చన అమ్మవారి పాత్రలో దర్శనమివ్వడం ప్రత్యేక ఆకర్షణగా నిలవనుంది. శ్రీనిధి క్రియేషన్స్ బ్యానర్పై సత్యవాణి మీసాల ఈ సినిమాకు కథను అందించి ప్రతిష్టాత్మకంగా నిర్మిస్తున్నారు. దర్శకుడు తోట కృష్ణ అమ్మవారి మహిమలను ప్రతిబింబించేలా ఈ చిత్రాన్ని తెరకెక్కిస్తున్నారు. తెలుగు, తమిళ, కన్నడ భాషల్లో గ్రాండ్ థియేట్రికల్ రిలీజ్కు సినిమా సిద్ధమవుతోంది. ఈ సందర్భంగా మూవీ టీమ్ ప్రెస్ మీట్ నిర్వహించింది. ఈ కార్యక్రమంలో దర్శకుడు తోట కృష్ణ మాట్లాడుతూ, అమ్మవారి మహిమలు తెలియజేసేలా దక్షిణ కాళీ చిత్రాన్ని రూపొందించామని, డిస్ట్రిబ్యూటర్లకు షోలు వేసినప్పుడు పాజిటివ్ రెస్పాన్స్ వస్తోందని తెలిపారు. నిర్మాత సత్యవాణి మీసాల ఎక్కడా కాంప్రమైజ్ కాకుండా సినిమాను నిర్మించారని ప్రశంసించారు. ఈ ప్రెస్ మీట్లో నిర్మాత సత్యవాణి మీసాల, హీరోయిన్ ప్రియాంక, నటుడు అఫ్సర్ ఆజాద్, హీరో సుబ్బు పాల్గొని చిత్ర విశేషాలు పంచుకున్నారు. అన్ని వర్గాల ప్రేక్షకులను ఆకట్టుకునే డివోషనల్ ఎంటర్టైనర్గా ‘దక్షిణ కాళీ’ నిలవనుందని చిత్ర బృందం ధీమా వ్యక్తం చేసింది.
