హ‌రిహ‌ర వీర‌మ‌ల్లులో కొన్ని సీన్స్ కట్..

పవన్ క‌ళ్యాణ్ ఫ్యాన్స్ ఎంతో ఆసక్తిగా ఎదురుచూసిన సినిమా హరి హర వీరమల్లు భారీ అంచనాల మధ్య జూలై 24న విడుద‌లైన విష‌యం తెలిసిందే. ఈ సినిమాకి మంచి ఆద‌ర‌ణే ల‌భించింది. ఈ క్ర‌మంలో హైదరాబాద్‌లో సక్సెస్ మీట్ నిర్వహించింది చిత్ర యూనిట్. ఈ సందర్భంగా ప్రేక్షకులకు కృతజ్ఞతలు తెలియ‌జేశారు ప‌వ‌న్ క‌ళ్యాణ్‌. చిత్రంలోని కొన్ని సీన్లపై ఆడియెన్స్ నుండి నెగెటివ్ టాక్ వ‌చ్చింది. ముఖ్యంగా సెకండాఫ్‌లో ఉన్న హార్స్ రైడింగ్ సీన్లు, వీఎఫ్ఎక్స్‌ వర్క్‌ పట్ల అసంతృప్తి వ్యక్తమైంది. ఈ నేపథ్యంలో చిత్రబృందం కీలక నిర్ణయం తీసుకుంది. కొన్ని సన్నివేశాలను కట్ చేస్తూ నిడివిని తగ్గించారు. సెకండాఫ్‌లోని హార్స్ రైడింగ్, తోడేలు తదితర సీన్లను పూర్తిగా తొలగించారని సమాచారం. ముఖ్యంగా కోహినూర్ వజ్రం కోసం జర్నీకి సంబంధించిన భాగాలను కట్ చేసినట్టు తెలుస్తోంది. మొత్తం మీద సినిమాకు 2 గంటల 42 నిమిషాల నిడివి ఉండగా, ఇప్పుడు దాన్ని 2 గంటల 22 నిమిషాలకు తగ్గించారు. ఈ మార్పులతో గురువారం రాత్రి నుండే అన్ని థియేటర్లలో షోస్ ఆడాయి. ఇక సినిమాకి మంచి రెస్పాన్స్ వ‌స్తున్న నేప‌థ్యంలో స‌క్సెస్ మీట్ ఏర్పాటు చేయ‌గా, ఈ ఈవెంట్‌లో పవన్ కళ్యాణ్‌ మాట్లాడుతూ, సోషల్ మీడియా ట్రోల్స్‌, నెగటివ్ కామెంట్స్‌ను ప‌ట్టించుకోవ‌ద్దని తెలిపారు. విమర్శలను ఎదుర్కొని, అభిమానుల జోష్‌ను పెంచేలా కొంతసేపు పవన్ మాట్లాడారు. జీవితం ఆనందంగా గడపాలి అనే సందేశంతో ఫ్యాన్స్‌లో కొత్త జోష్ నింపారు.