By నిహారిక కొణిదెల నిర్మిస్తున్న తాజా సినిమా బుధవారం హైదరాబాద్‌లో ప్రారంభమైంది. సంగీత్‌ శోభన్‌, నయన్‌ సారిక జంటగా నటిస్తున్న ఈ సినిమాకి మానసశర్మ దర్శకురాలు. ముహూర్తపు సన్నివేశానికి ప్రముఖ దర్శకుడు నాగ్‌అశ్విన్‌ క్లాప్‌నివ్వగా, వశిష్ట కెమెరా స్విఛాన్‌ చేశారు. ఫాంటసీ, కామెడీ జోనర్‌లో ఈ సినిమాని తెరకెక్కించబోతున్నామని, కథ, కథనాలు వైవిధ్యంగా ఉంటాయని చిత్రబృందం తెలిపింది. ఈ నెల 15 నుండి హైదరాబాద్‌ పరిసర ప్రాంతాల్లో రెగ్యులర్ షూటింగ్‌ మొదలు పెడతామని నిర్మాత నిహారిక కొణిదెల తెలిపారు. వెన్నెల కిషోర్‌, బ్రహ్మాజీ, తనికెళ్ల భరణి, అశిష్‌ విద్యార్థి, గెటప్‌ శ్రీను తదితరులు నటిస్తున్న ఈ సినిమాకి సంగీతం: అనుదీప్‌దేవ్‌, నిర్మాత: నిహారిక కొణిదెల.
