By హెచ్.ఎన్.జి సినిమాస్ ఎల్.ఎల్.పి బ్యానర్ పై ఉదయ్ శర్మ రచన, దర్శకత్వంలో రూపొందిన ‘సఃకుటుంబానాం’ సినిమా ప్రేక్షకుల ముందుకు వచ్చింది. మహదేవ్ గౌడ్, నాగరత్న నిర్మాతలుగా వ్యవహరిస్తున్న ఈ చిత్రంలో రామ్ కిరణ్, మేఘ ఆకాష్ జంటగా నటిస్తున్నారు. నటకిరీటి రాజేంద్రప్రసాద్, హాస్యబ్రహ్మ బ్రహ్మానందం, శుభలేఖ సుధాకర్, సత్య, రాజశ్రీ నాయర్, రచ్చ రవి, గిరిధర్, తాగుబోతు రమేష్, భద్రం తదితరులు కీలక పాత్రలు పోషించారు.
మణిశర్మ సంగీతం అందించగా, మధు దాసరి డీఓపి, శశాంక్ మలి ఎడిటర్గా ఉన్నారు. కొత్త సంవత్సరం దినోత్సవ సందర్భంగా విడుదలైన ఈ చిత్రం ప్రేక్షకుల నుండి మంచి ఆదరణ పొందింది. హీరో దీక్షిత్ శెట్టి స్పందిస్తూ, సినిమా సరికొత్త కాన్సెప్ట్, ఫ్యామిలీ ఎంటర్టైనర్లో లేయర్స్ చూపించడం, పాటలు, డాన్స్ మరియు రామ్ కిరణ్ నటన చాలా ప్రత్యేకంగా అనిపించాయని తెలిపారు. కథ, స్క్రీన్ ప్లే, దర్శకత్వం, నిర్మాణ విలువలు బాగున్నాయని, సినిమా మంచి విజయం సాధించాలని కోరుకున్నాడు. ‘సఃకుటుంబానాం’ ప్రేక్షకులకు నూతన అనుభూతిని అందిస్తున్న ఫ్యామిలీ ఎంటర్టైనర్గా నిలుస్తోంది.
