By తెలుగు సినీ ఇండస్ట్రీలో ఒక సినిమాకి హైప్ క్రియేట్ చేసే టైటిల్ పెట్ట‌డం చాలా ముఖ్యం. అయితే తాజాగా మాస్ మహారాజా రవితేజ తన కొత్త సినిమా ‘మాస్ జాతర’కి స్వయంగా టైటిల్‌ను పెట్టి ఆ టైటిల్‌ను ఫైనల్ చేయించిన‌ట్టు చెప్ప‌డం ఆస‌క్తిక‌రంగా మారింది. ఈ సినిమాతో దర్శకుడిగా పరిచయమవుతున్న భాను భోగవరపు ఇటీవల ఓ ఇంటర్వ్యూలో మాట్లాడుతూ, మొదటిసారి కథ వినగానే రవితేజ సినిమా పట్ల ఎంతో ఉత్సాహం చూపించాడని చెప్పారు. కథలో మాస్ అంశాలు, పాత్ర పవర్‌ఫుల్‌గా ఉండటంతో వెంటనే “మాస్ జాతర” అనే టైటిల్‌ను రవితేజనే సూచించాడట. దర్శకుడికి కూడా టైటిల్ బాగా నచ్చడంతో ఆ టైటిల్‌నే ఫిక్స్ చేశారట. ఇక సినిమా టైటిల్‌కు పెట్టిన “మనదే ఇదంతా” అనే క్యాప్షన్ మాత్రం దర్శకుడు భాను క్రియేటివిటీ పెట్టాడ‌ట. మొదట ఈ క్యాప్షన్‌ను రవితేజ తిరస్కరించాడట. అయితే భాను “ఒక్కసారి వేసి చూద్దాం, నచ్చకపోతే తీసేస్తాం” అని చెప్పడంతో రవితేజ అంగీకరించాడట. చివరికి ఆ క్యాప్షన్‌కి కూడా ఆయన గ్రీన్ సిగ్నల్ ఇచ్చారని దర్శకుడు తెలిపాడు.
