By హీరో రామ్ చరణ్ ప్రస్తుతం పెద్ది అనే సినిమాతో బిజీగా ఉన్న విష‌యం తెలిసిందే. ఎస్.ఎస్. రాజమౌళి దర్శకత్వంలో వచ్చిన ఆర్ఆర్ఆర్ సినిమా తర్వాత ఆయన నటించిన గేమ్ ఛేంజర్ సినిమా బాక్సాఫీస్ ద‌గ్గ‌ర నిరాశ‌ప‌రిచింది. దీంతో ఇప్పుడు పెద్ది కోసం బాగానే హార్డ్ వర్క్ చేస్తున్నారు. “ఉప్పెన” సినిమాతో భారీ హిట్ అందుకున్న డైరెక్టర్ బుచ్చిబాబు సానా ఈ సినిమాని డైరెక్ట్ చేస్తున్నారు. మైత్రి సినిమా వారు, సుకుమార్ రైటింగ్స్ సంయుక్తంగా నిర్మిస్తున్న ఈ భారీ బడ్జెట్ సినిమా, ఒక స్పోర్ట్స్ మాస్ యాక్షన్ డ్రామాగా తెరకెక్కుతోంది. ఇందులో బాలీవుడ్ బ్యూటీ జాన్వీకపూర్ హీరోయిన్‌గా నటిస్తోంది. ఇప్పటికే విడుదలైన గ్లింప్స్‌ వీడియో, పోస్టర్లు మెగా అభిమానుల్ని ఎంతగానో ఆకట్టుకున్నాయి. రామ్‌చరణ్ మాస్ లుక్, పవర్‌ఫుల్ ప్రెజెన్స్ చూసిన తర్వాత సినిమా మీద హైప్ మరింత పెరిగిపోయింది. ఈ సినిమా కోసం రామ్‌చరణ్ బాడీ లాంగ్వేజ్, ఫిజిక్‌పై ప్రత్యేక శ్రద్ధ తీసుకుంటున్నారు. తాజాగా ఆయన ట్రైనింగ్ సమయంలో తీసిన ఫొటోను షేర్ చేశారు. ఆ ఫొటోలో చరణ్ గుబురు గడ్డం, రఫ్ హెయిర్‌స్టైల్, సిక్స్ ప్యాక్ బాడీతో హ‌లీవుడ్ హీరో మాదిరి క‌నిపించారు. ఈ లుక్ చూసిన అభిమానులు “ఇది ఊర మాస్ అంతే!”, “పెద్ది బాక్సాఫీస్‌ను బద్దలు కొడుతుంది” అంటూ సోషల్ మీడియాలో కామెంట్ల వర్షం కురిపిస్తున్నారు. శరవేగంగా షూటింగ్ జరుపుకుంటున్న ఈ సినిమాని 2025లో రిలీజ్ చేయాలని మేకర్స్ ప్లాన్ చేస్తున్నారు. ‘పెద్ది’ కోసం రామ్‌చరణ్ కండలను చూసి ఫ్యాన్స్ స్టన్ అయ్యారు, తర్వాత ఫ్యాన్స్ అంచనాలను, ఆలోచనలను అమాంతం పెంచేశాయి.
