By టాలీవుడ్ ఐకాన్ స్టార్ అల్లు అర్జున్ ఫ్యాన్స్‌కు క్రేజీ అప్‌డేట్ ఇచ్చింది. మ‌రో 50 రోజుల్లో ‘పుష్ప ది రూల్’ కౌంట్‌డౌన్ షురూ కానున్న‌ట్లు చిత్రబృందం ప్ర‌క‌టించింది. ఈ సంద‌ర్భంగా కొత్త పోస్ట‌ర్‌ను షేర్ చేసింది. అల్లు అర్జున్ న‌టిస్తున్న మోస్ట్ అవైటెడ్ మూవీ ‘పుష్ప 2’.
పుష్ప సినిమాకు సీక్వెల్‌గా వ‌స్తున్న ఈ సినిమా డిసెంబ‌ర్ 06న ప్రేక్ష‌కుల ముందుకు వస్తోంది. ఇక ‘పుష్ప 2’ విడుద‌లకు ఇంకా 50 రోజులు మాత్ర‌మే సమయం ఉంది. ఈ సినిమాను ప్రీ పోన్ చేసి డిసెంబ‌ర్ 05న విడుదల చేయ‌నున్న‌ట్లు వార్త‌లు వచ్చిన విష‌యం తెలిసిందే. దీనికి సంబంధించి చిత్రబృందం ఇంకా క్లారిటీ ఇవ్వ‌లేదు. సుకుమార్‌ దర్శకత్వంలో తెరకెక్కుతున్న ఈ చిత్రంలో రష్మిక హీరోయిన్‌గా న‌టిస్తుండ‌గా ఫహద్‌ ఫాజిల్, సునీల్‌, అనసూయ, జగదీష్ ప్రతాప్‌, ధనుంజయ కీలక పాత్రలు పోషిస్తున్నారు. రూ.500 కోట్ల భారీ బడ్జెట్‌తో, సుకుమార్‌ రైటింగ్స్‌ సంస్థలు సంయుక్తంగా ఈ సినిమాను నిర్మిస్తున్నాయి.
