By నేషనల్ అవార్డు విజేత కీర్తి సురేష్ టైటిల్ రోల్‌లో నటిస్తున్న క్రైమ్ కామెడీ ఎంటర్‌టైనర్ ‘రివాల్వర్ రీటా’ ఈ నెల 28న విడుదలకు సిద్ధమైంది. జేకే చంద్రు దర్శకత్వంలో సుధన్ సుందరం, జగదీష్ పళనిసామి నిర్మించిన ఈ చిత్రంలో రాధికా శరత్‌కుమార్, సూపర్ సుబ్బరాయన్, సునీల్, అజయ్ ఘోష్, రెడిన్ కింగ్స్లీ ముఖ్య పాత్రలు పోషించారు. విడుదలైన ప్రమోషనల్ కంటెంట్‌కు ఇప్పటికే మంచి స్పందన లభించింది. ఇటీవల జరిగిన ప్రీరిలీజ్ ఈవెంట్‌లో కీర్తి సురేష్ మాట్లాడుతూ, అజయ్ ఘోష్‌తో పనిచేయడం ఎంతో ఆనందంగా అనిపించిందని, అలాగే సునీల్ పూర్తిగా భిన్నమైన పాత్రలో కనిపిస్తారని చెప్పారు. రాధికా శరత్‌కుమార్‌తో తన కెమిస్ట్రీ ప్రేక్షకులను ఆకట్టుకుంటుందని ఆమె విశ్వాసం వ్యక్తం చేశారు. ‘రివాల్వర్ రీటా’ ఒక పర్ఫెక్ట్ డార్క్ కామెడీ ఫిల్మ్ అని, ముఖ్యంగా ఫిమేల్ లీడ్ చేసే కామెడీ జోనర్‌లో ఇది కొత్త అనుభవం అవుతుందని అన్నారు. ఒక్క రోజులో జరిగే కథ ఈ సినిమాకు ప్రత్యేకత అని పేర్కొన్నారు. మ్యూజిక్ డైరెక్టర్ షాన్ రోనాల్డ్ అందించిన నేపథ్య సంగీతం, డీఓపీ పనితనం చిత్రాన్ని మరింత ఎలివేట్ చేశాయని కీర్తి సురేష్ అభినందించారు.
