By మంచు లక్ష్మి సీనియర్ సినీ జర్నలిస్టు వీఎస్ఎన్ మూర్తికి ఇచ్చిన ఇంటర్వ్యూ వివాదంగా మారింది. ఇంటర్వ్యూలో మూర్తి “50 ఏళ్లకు దగ్గరపడుతున్న మీరు ఎందుకు ఇలాంటి డ్రెస్సులు వేసుకుంటున్నారు? అని ప్రశ్నించగా, మంచు లక్ష్మి తీవ్రంగా స్పందించారు. “ఇలాంటి ప్రశ్న అడిగే ధైర్యం మీకు ఎక్కడి నుండి వచ్చింది? మహేష్ బాబుకి కూడా 50 ఏళ్లు వస్తున్నాయి. ఆయన షర్ట్ విప్పి ఎందుకు తిరుగుతున్నారు అని మీరు ప్రశ్నించగలరా? ఒక మహిళను ఎందుకు ఇలాగే ప్రశ్నిస్తారు?” అంటూ ఆమె కడిగి పారేశారు. ఈ ఘటనపై నెటిజన్లు మంచు లక్ష్మికి మద్దతు తెలుపుతూ “కరెక్ట్ గా బుద్ధి చెప్పావు అక్కా” అంటూ కామెంట్లు పెడుతున్నారు. అయితే ఈ వ్యవహారాన్ని ఆమె అక్కడితో వదలకుండా తాజాగా ఫిల్మ్ ఛాంబర్ కు ఫిర్యాదు చేశారు. తన ఫిర్యాదులో మంచు లక్ష్మి మాట్లాడుతూ, “నాలుగేళ్ల తర్వాత నేను ప్రొడ్యూస్ చేస్తూ నా తండ్రి మోహన్ బాబుతో కలిసి నటించే సినిమా కోసం కష్టపడ్డాం. కానీ ఆ ఇంటర్వ్యూలో సినిమా గురించి ఒక్క మాట మాట్లాడకుండా, నా వయసు, శరీరం, దుస్తులపై కించపరిచేలా ప్రశ్నించారు. ఇది జర్నలిజం కాదు, కేవలం వైరల్ కావాలని చేసిన ప్రయత్నం. మగవాళ్లు ఎక్కువగా ఉన్న ఈ పరిశ్రమలో నేను సాధించిన స్థాయిపై గర్వంగా ఉంది. ఇలాంటి ప్రవర్తనపై మౌనం వహించి వదిలేస్తే మరింత పెరుగుతుంది. అందుకే వీఎస్ఎన్ మూర్తిపై కఠిన చర్యలు తీసుకోవాలని కోరుతున్నాను అని పేర్కొన్నారు. ఈ సంఘటన ఫిల్మ్ నగర్ లో హాట్ టాపిక్ గా మారింది.
