By మంచు వారి కుటుంబం నుండి వచ్చిన హీరోస్ ఇద్దరి నుండి ఈ ఏడాది భైరవం, కన్నప్ప సినిమాలు వరుసగా వచ్చాయి. ఇక మంచు విష్ణు కన్నప్ప తర్వాత తదుపరి సినిమా ఇంకా అనౌన్స్ చేయలేదు కానీ మంచు మనోజ్ నుండి మాత్రం సాలిడ్ ప్రాజెక్ట్ ఇప్పుడు అనౌన్స్ అయ్యింది. ఒక భారీ పీరియాడిక్ డ్రామా తన నుండి “డేవిడ్ రెడ్డి” గా అనౌన్స్ చేయడం జరిగింది. తన 21 ఏళ్ల సినీ కెరీర్లో తన 21వ సినిమాగా తనకెంతో ప్రత్యేకం అని మనోజ్ చెబుతున్నాడు. దర్శకుడు హనుమ రెడ్డి యక్కంటి తెరకెక్కిస్తున్న ఈ సినిమా బ్రిటీష్ కాలం నాటి నేపథ్యంలో ప్లాన్ చేస్తున్నారు. 1897 నుండి 1922 కాలంలో కథగా మేకర్స్ కన్ఫర్మ్ చేశారు. మరి మంచు మనోజ్ నుండి ఈ బిగ్ ప్రాజెక్ట్ ఎలా ఉండబోతుందో చూడాలి. ఇక ఈ సినిమాకి వెల్వెట్ సోల్, టూర్ రాడిక్స్ సంస్థలు నిర్మిస్తుండగా ఇతర వివరాలు ఇంకా తెలియాల్సి ఉంది.
