By టాలీవుడ్‌లోకి ఎంటర్ అయ్యి కెరీర్ ఆరంభంలో మంచి ఫేమ్ సంపాదించుకున్న అతికొద్ది మంది హీరోయిన్స్‌లో యంగ్ హీరోయిన్ అనుపమ పరమేశ్వరన్ కూడా ఒకరు. తెలుగులో మంచి ముద్ర వేసుకున్న యంగ్ హీరోయిన్ సినిమాకి ఇపుడు తెలుగులో థియేటర్స్ లేవా అనే పరిస్థితి నెలకొందా? అనుపమ రీసెంట్‌గా నటించిన కాంట్రవర్షియల్ సినిమానే “జానకి వర్సెస్ స్టేట్ ఆఫ్ కేరళ”. శంకర్ “ఐ” సినిమా విలన్ సురేష్ గోపి నటించిన ఈ సినిమా మలయాళంతో పాటుగా తెలుగులోనూ రిలీజ్‌కి అనౌన్స్‌మెంట్ చేశారు. అంతెందుకు ఇవాళ రిలీజ్ అంటే నిన్నటి పోస్టర్‌లో కూడా తెలుగు భాషలో కూడా రిలీజ్ ఉన్నట్టు ఇన్‌క్లూడ్ చేశారు. కానీ నేడు థియేటర్స్‌లో తెలుగులో విడుదల చేయడానికి రెండు రాష్ట్రాల్లోని థియేటర్స్ ఖాళీగా లేవు అని తెలిసింది. మరి దీంతో సినిమా మేకర్స్ దృష్టి సారించలేదో లేక అనుపమ కూడా సీరియస్‌గా తీసుకోలేదో ఏమిటో తెలీదు కానీ, ఈ సినిమా మాత్రం తెలుగు రిలీజ్ అనౌన్స్ చేసినప్పటికీ రెండు రాష్ట్రాలలో తెలుగు భాషలో విడుదలకి నోచుకోలేదు. కొన్ని మేజర్ సిటీలలో మాత్రం డైరెక్ట్ మలయాళంలోనే రిలీజ్ అయ్యింది.
