By టాలీవుడ్ ప్రేక్షకులకు దేశముదురు సినిమాతో పరిచయమైన హన్సిక మోత్వాని, తక్కువ సమయంలోనే స్టార్ హీరోయిన్గా మంచి గుర్తింపు సంపాదించుకుంది. అల్లు అర్జున్తో చేసిన ఆ సినిమా తర్వాత ఆమె పలువురు స్టార్ హీరోలతో నటించి మంచి క్రేజ్ను పొందింది. అయితే కొంతకాలం తర్వాత ఆమె తెలుగు సినిమాలకు దూరమై ఇతర భాషా చిత్రాల్లో బిజీగా మారింది. ఇటీవల హన్సిక వ్యక్తిగత జీవితం మరోసారి వార్తల్లోకి వచ్చింది. 2022లో ఆమె వ్యాపారవేత్త సోహైల్ను ప్రేమ వివాహం చేసుకుంది. అయితే పెళ్లి తర్వాత కొద్ది కాలంలోనే ఇద్దరి మధ్య విభేదాలు తలెత్తినట్లు వార్తలు వినిపించాయి. కొంతకాలంగా వేరువేరుగా ఉంటున్న ఈ జంట తాజాగా కోర్టులో విడాకులకు దరఖాస్తు చేసుకుని అధికారికంగా విడిపోయినట్లు సమాచారం. ఆసక్తికరమైన విషయం ఏమిటంటే, సోహైల్ గతంలో హన్సికకు అత్యంత సన్నిహితురాలైన స్నేహితురాలిని వివాహం చేసుకుని విడాకులు తీసుకున్నాడు. అప్పట్లో హన్సిక పెళ్లి వార్త బయటకు వచ్చినప్పుడు సోషల్ మీడియాలో తీవ్ర విమర్శలు ఎదుర్కొన్నప్పటికీ, ఆమె ధైర్యంగా ముందుకు సాగింది. ఇప్పుడు విడాకుల వార్తతో హన్సిక మళ్లీ వార్తల్లో నిలిచింది.
